1. Eg veit ein góðan seyðamann,
    og fylgi síni elskar hann;
    tey teljast í mong túsundtal,
    tó røktar hann øll líka væl.
  2. Hans hond er sterk og eym hans sál,
    hans seyðir kenna væl hans mál,
    til skaða hann teir beitir ei,
    tí elta tryggir teir hans leið.
  3. Tey lomb, ið skjótast burtur frá,
    at beina aftur er hans trá,
    og finnast tey, við miklum gleim’
    á herðunum hann ber tey heim.
  4. Um ørn og ravnur koma nær,
    hann verjir tey so væl hjá sær;
    í neyð hann aldri svíkja vil,
    men fegin leggur lívið til.
  1. Um oyðimørk sum albeitt lond
    tey fáa føði úr hans hond,
    tey veiku vermast við hans favn,
    og Jesus er hans dýra navn.
  2. Tú hirði góði, røkta meg,
    og leið meg á tí bratta veg,
    sum gongur til ta góðu jørð,
    har iglagrasið ikki grør.
  3. Av leysum upsum manga stund
    tú hjálpti mær á trygga grund,
    eg títt í fjøru fastur stóð,
    tín hond meg hevjaði frá flóð.
  4. Tí prísar tær mín sál so fró
    og eltir fegin tína slóð,
    á fagurt land tú vísir mær,
    har altíð summarsólin sær.

Morgunsangur

Orð: Mikkjal á Ryggi.

Farspor
Skopunar skúli

Vit brúka farspor.
Tú kanst altíð taka samtykkið aftur. Hetta gert tú við at trýsta á ímyndina niðast til vinstru á heimasíðuni.

Neyðug

Neyðug farspor hjálpa til við at gera nýtsluna av heimasíðuni møguliga, so sum at ferðast runt á síðuni og at fáa atgongd til trygg øki á heimasíðuni.

Heimasíðan virkar ikki til fulnar uttan neyðug farspor.

Betra um brúkaraupplivingina

Neyðugt um eitt nú video frá youtube skula virka optimalt

Rikið av  GDPR Cookie Compliance