Í okkara vísiónum fyri Skopunar skúla leggja vit dent á at
fagna ymisleikanum og styrkja felagsskapin
nýta nátturuna sum íblástur
nýta tøkni, sum fremur læring
Virðisgrundarlagið hjá Skopunar skúla byggir á ábyrgd, virðing, umsorgan, felagsskap og ymisleika.
Ábyrd
- inniber, at hvør einstakur næmingur tekur ábyrgd av felagsskapinum, sær sjálvum, sínum floksfelaga og vinum.
Virðing
- inniber, at vit vísa virðing fyri skúlanum, okkum sjálvum og øðrum.
Umsorgan
- merkir, at vit í tonkum, orðum og verkum vísa virðing og umhugsnið fyri hvørjum einstøkum.
Felagsskapur
- inniber, at vit eru tilvitað um okkara leiklut saman við øðrum. At tað er ein felagsskapur millum teg og tínar floksfelagar, vinir og lærarar.
Ymisleiki
- inniber, at vit gerast tilvitað um, at øll eru ymisk, og at tað er ein styrki heldur enn ein veikleiki fyri felagsskapin.
