Góðu foreldur!
Hóskvøldið 17/6 kl. 18:30 til áleið kl. 21:00 fara vit at hava veitslu fyri næmingunum. Vit fáa burgarar frá Café Mølini og gera ovnkips afturvið. Omaná fáa tey ís.
Vit hava biðið Kristrún og Heiðrún koma at læra okkum at dansa Line Dans. Tað gleða vit okkum til. Til høvi og onnur líknandi hevur skúlin keypt eina Soundboks.
Annars takk fyri eitt gevandi og spennandi ár saman við tykkara fittu børnum. Eitt ár, sum hevur verið eitt sindur turbulent við, tíverri, nógvum Korona tilmælum. Tað seinasta bleiv, at skúlar í Føroyum ikki mugu ferðast við Strandferðsluni. So túrurin á Seturskúla, sum var planlagdur, bleiv tíverri av ongum.
Eg vil hervið ynskja tykkum øllum eina góða summarferiu!